මාධ්ය භාවිතා කිරීමේදී ආණ්ඩුව ශ්රේෂ්ඨාධිකරණ තීත්දු උල්ලංඝණය කරලා
මෙවර ජනපතිවරණයේදී ශේෂ්ඨාධිකරණ තීන්දු පවා උල්ලංඝණය කරමින් ආණ්ඩුව රාජ්ය මාධ්ය අයුතු ලෙස පරිහරණය කටයුතු කරමින් සිටින බව මාධ්යයට සම්බන්ධ වෘත්තීය සමිති හා සංවිධාන පෙන්වා චෝදනා කරති. රජයේ මාධ්ය අයුතු ලෙස පරිහරණය කිරීම සම්බන්ධයෙන් විරෝධය පෑම සඳහා සංවිධානය කර තිබූ උද්ඝෝෂණ ව්යාපාරයකට සහභාගී වෙමින් ඔව්හු මේ බව අනාවරණය කළහ.
‘‘ මේ වෙන කොට රාජ්ය මාධ්ය ආයතන වලට සිද්ධ වෙලා තියෙන්නෙ ආණ්ඩුවට ඕන විදිහට කඬේ යන්න. මේ තත්ත්වය වළක්වන්න ශ්රේෂ්ඨාධිකරණය තීරණයකට අනුව නිසි බලධාරියෙක් පත් කරත් වැඩක් වුණේ නැහැ. ඉතාම ඉක්මනට නිසි බලධාරියට ගෙදර යන්න සැළැස්සුවා. මෙය ශේෂ්ඨාධිකරණ තීරණයක් ඉක්මවා යෑමක්. එක්සත් රාජ්ය මාධ්ය සංගමයේ ලේකම් සන්ජීව සමරසිංහ ප්රකාශ කළේය.
මැතිවරණය ආසන්න වන මේ දින කිහිපය තුළ දී හෝ රාජ්ය මාධ්ය අයුතු ලෙස යොදා ගැනීමට එරෙහිව පෙළ ගැසිය යුතු බව සමරසිංහ පෙන්වා දුන්නේය. ඒ සඳහා පාට පක්ෂ භේදයකින් තොරව ඉදිරිපත් විය යුතු බව ඔහු අවධාරණය කළේය.
‘‘ රජය මේ විදිහට මාධ්ය ආයතන අයුතු ලෙස පරිහරණය කිරීම මගින් මේ රටේ මිනිස්සුන්ගේ මැතිවරණ අයිතිය උල්ලංඝණය කරනවා. අනෙක් කාරණය තමයි මේ මගිනි මාධ්ය නිදහස උල්ලංඝණය වී තිබීම.’’ නිදහස් මාධ්ය ව්යාපාරයේ සම කැඳවුම්කරු සුනිල් ජයසේකර ප්රකාශ කළේය.
මේ තත්ත්වය වළක්වා ගැනීමට වහා කටයුතු නොකළ හොත් මාධ්ය නිදහස තව දුරටත් අහිමි වී යනු ඇතැයි ජයසේකර පැවසුවේය.
එක්සත් සමාජවාදී පක්ෂයේ ජනාධිපති අපේක්ෂක සිරිතුංග ජයසුරීයද මේ උද්ඝෝෂණයට සහය දැක්වීමට පැමිණ සිටියේය.
‘‘ මාධ්ය කියන්නේ මේ රටේ ජනතාවගේ හුස්ම ටික වගේ කියලයි මම හිතන්නේ. එවැනි තත්ත්වයක් යටතේ රජය විසින් මේ අකාරයෙන් මාධ්ය තමන්ගේ මැතිවරණ කටයුතුවලට සහභාගී කරගැනීම ජනතාවට සිදු කරන අසාධාරණයක්.’’ සිරිතුංග ජයසූරීය පැවසුවේය.
මේ තත්වය වළක්වා ගැනීමට පක්ෂ පාට වලින් තොරව එකමුතු වී සිටිය යුතු බව ඔහු පෙන්වා දුන්නේය. මේ වන විට මාධ්ය නිදහස අමු අමුවේ උල්ලංඝණය වෙමින් පවතින බව පෙන්වා දුන් ජයසූරීය මාධ්ය නිදහස රැකගැනීම වෙනුවෙන් තමන් සැමදාම මාධ්යවේදීන් සමඟ එකට සිටින බවද පැවසුවේය.
‘‘ මේ ආණ්ඩුව මාධ්යට ඇත්ත කියන්න දෙන්නෙ නැහැ. ජනතාවට තොරතුරු දැන ගැනීමේ අයිතිය ඔවුන් අහිමි කරනවා. විවිධ බලපෑම් කරමින් ආණ්ඩුව තමන්ට අවශ්ය පරිදි මාධ්ය හසුරුවා ගන්න හදනවා. ඒ සඳහා මාධ්ය ඩැහැ ගැනීමටත් ආණ්ඩුව කටයුතු කරනවා. ඒකයි අපි මේ විදිහට පාරට බැහැලා මාධ්ය නිදහස රැකගැනීමට උත්සාහ දරන්නෙ.’’ ඒකාබද්ධ තෙල් සංස්ථා වෘත්තීය සංගමයේ මාධ්ය ලේකම් ආන්නද පාලිත පැවසුවේය.
ජාතික රූපවාහිනිය ඉදිරිපිට පැවති මේ උද්ඝෝෂණ ව්යාපාරයට මාධ්යට සම්බන්ධ විවිධ සංවිධාන රැසක් සහභාගී වී සිටි අතර ඔවුන් සියල්ලන්ම අවධාරණය කරනු ලැබුයේ මැතිවරණය ආසන්න වන මේ දින කිහිපය තුළ දී හෝ මාධ්යයේ ස්වාධීනත්වය රැක ගැනීමට කටයුතු කළ යුතු බවයි.
