හමුදා ප්රහාරවලින් සිවිල් වැසියන් මිය යන්නේ නැහැ – මහින්ද සමරසිංහ
Government denies charges of civilian casualties
හමුදා ප්රහාර වලින් වන්නියේ සිරවී සිටින සිවිල් වැසියන් මියයන බවටත් තුවාල ලබන බවටත් එල්ලවන චෝදනා ආපදා කළමනාකරණ හා මානව හිමිකම් අමාත්ය මහින්ද සමරසිංහ ප්රතික්ෂේප කරයි.
නොකඩවා ක්රියාත්මක යුධ ගැටුම් හමුවේ යුධ ගැටුම් වලට මැදිවී සිටින සිවිල් වැසියන් තුවාල ලබන බවටත් ප්රහාරයන්ට ලක්වීමෙන් සිවිල් වැසියන් 372 ක් මිය ගොස් තවත් 1100ක් තුවාල ලබා ඇති බවටත් ප්රචාරයවී ඇති වාර්තාවන් පිළිබදවත් ජනාධිපති ලේකම් කාර්යාලයේදී මැයි 11 වැනිදා පැවති ප්රවෘත්ති සාකච්ඡාවකදී සමරසිංහගේ අවධානය යොමුවූයේය.
‘‘ගැටුම් පවතින ප්රදේශවල සිටින වෛද්ය ශන්මුගරාජා උපුටාදක්වමින් ප්රහාරයන්ට ලක්වීමෙන් සිවිල් වැසියන් මියගොස් හා තුවාල ලබා ඇතැයි වාර්තා පළවෙලා තිබෙනවා. නමුත් මේ ප්රදේශ තුළින් ස්වාධීන වාර්තා එළියට එන්නේ නැහැ. ඔහුගේ හිසට තුවක්කුව තියලා මේ ප්රකාශය කරවාගන්න පුලුවන්.’’ සමරසිංහ කියන්නේය.
මේ වන විට ආරක්ෂක අංශ විසින් බර අවි හා ගුවන් ප්රහාර එල්ලකිරීම නතර කර තිබෙන්නේය. ආරක්ෂක අංශ බර අවි භාවිතා නොකරන නිසා ආරක්ෂක හමුදා අතින් සිවිල් වැසියන්ට හානි සිදුවිය නොහැකියැයි අමාත්යවරයා පවසන්නේය.
‘‘හමුදාව දැන් බර අවි භාවිතා කරන්නේ නැහැ. ඒ නිසා හමුදාව අතින් සිවිල් වැසියන් මිය යන්න අවස්ථාවක් නැහැ. නමුත් කොටි සංවිධානය සිවිල් වැසියන් ඝාතකය කරනවා.’’ සමරසිංහ පවසන්නේය.
සිවිල් වැසියන් මිය යන බවට ප්රකාශ කළ පුද්ගලයා සැබෑ ශන්මුගරාසා යැයි කිව හැක්කේ කෙසේදැයි අමාත්යවරයා ප්රශ්ණ කරන්නේය. ඕනෑම අයෙක්ට දුරකතන ඇමතුමක්දී ශන්මුගරාජා මෙන් කතාකරමින් තොරතුරු දිය හැකියැයිද හෙතෙම කියන්නේය.
රජය කිසිව්ටෙකත් සිවිල් වැසියන් ඉලක්ක කරගෙන ප්රහාර එල්ල නොකරන බව සමරසිහ කියන්නේය.
‘‘අද දවසේත්(මැයි 11දා) වන්නියේ සිටි සිවිල් වැසියන් දහසක් පමණ රජයේ පාලන ප්රදේශ වෙත පැමිණ තිබෙනවා.
හමුදාව ඔවුන්ට ප්රහාර එල්ල කරනවානම් ඔවුන් මෙලෙස රජයේ පාලන ප්රදේශ වෙත පැමිණෙන්නේ නැහැනේ.’’ සමරසිංහ සදහන් කරන්නේය.
වන්නියේ සිරවී සිටින සිවිල් වැසියන්ගේ ආරක්ෂාව සදහා රජය විසින් ප්රකාශ කර තිබූ යුධ මුක්ත කලාපය මැයි 8 වැනිදා වෙනස් කළේය. මේ අනුව නව යුධ මුක්ත කලාපය වර්ග කිලෝමිටර දෙකහමාරකින් යුක්ත වෙයි.
ආහාර මෙටි්රක්ටොන් දහසක් වන්නියට යැවීමට රජයේ අවධානය
යුධ ගැටුම්වලට මැදිවී ගැටුම් පවතින ප්රදේශවල සිරවී සිටින සිවිල් වැසියන්ට අවශ්ය ආහාර මෙටි්රක් ටොන් දහදහසක් යැවීමට ජාත්යන්තර රතුකුරුස කමිටුව සමග සාකච්ඡා කරමින් සිටින්නේයැයි සමරසිංහ පවසයි.
වන්නියේ සිරවී සිට්න සිවිල් වැසියන්ට එකවර මෙම ආහාර තොගය යැවීමට අවශ්ය කටයුතු යෙදීමට ජාත්යන්තර රතුකුරුස කමිටුව සමග සාකච්ඡා කරමින් සිටින්නේයැයිද සමරසිංහ කීවේය.
‘‘එක්වර ආහාර මෙටි්රක්ටොන් දහසක් යැවිය හැකි නැවක් ලබාගැනීමට ජාත්යන්තර රතුකුරුස කමිටුව සමග සාකච්ඡා කරනවා.’’ මහින්ද සමරසිංහ කීවේය.
වන්නියේ සිරවී සිටින සිවිල් වැසියන් සදහා රජය විසින් මැයි නම වැනිදා මෙටි්රක් ටොන් 25ක ආහාර තොගයක් ජාත්යන්තර රතුකුරුස කමිටුවේ කොඩිය සහිත නැවකින් යුධ ගැටුම් පවතින ප්රදේශ වෙත යවා තිබේ. මීට පෙර මැයි 6 වැනිදාද එවැනිම ආහාර තොගයක් යුධ ගැටුම් පවතින ප්රදේශ වෙත යවා තිබේ. මේ වන විට යුධ ගැටුම් පවතින ප්රදේශ වෙත ආහාර මෙටි්රක් ටොන් 2442ක් යවා ඇතැයි සමරසිංහ සදහන් කළේය.
ජාත්යන්තර රතුකුරුස කමිටුව විසින් වන්නියේ සිරවී සිටින සිවිල් වැසියන් අතර සිටින රොගීන් දිගින් දිගටම රජයේ පාලන ප්රදේශ වෙත රැගෙන එමින් සිටින අතර මේ වන විට තිස් වතාවකදී වන්නියේ සිටි රෝගීන් රජයේ පාලන ප්රදේශ වෙත රැගෙනවිත් තිබේ.
අවතැන්වූවන්ට තමන්ගේ ඥාතීන් හා සිටීමේ අවස්ථාව
යුධ ගැටුම්වලට මැදිවී සිටි සිවිල් වැසියන් අතර සිටි රෝගීන් 5325ක් හා සාමාන්ය වැසියන් 7976 දෙනෙක් මේ වන විට ජාත්යන්තර රතුකුරුස කමිටුව විසින් රජයේ පාලන ප්රදේශ වෙත රැගෙනවිත් තිබේ.
‘‘තුවාල ලැබූ පුද්ගලයින් මෙන්ම ස්වභාවිකව රොගී වූ පුද්ගලයින්ද මේ ආකාරයට ජාත්යන්තර රතුකුරුස කමිටුව විසින් ගෙනවිත් තිබෙනවා. එහි සිටින රෝගීන් සියලුදෙනාම එම ප්රදේශ වලින් ඉවත්කර තිබෙන නිසා සාමාන්ය වැසියන්ද රජයේ පාලන ප්රදේශ වෙත ගෙනවිත් තිබෙනවා.’’ සමරසිංහ කියන්නේය.
යුධ ගැටුම් නිසා වන්නියේ සිරවී සිටි සිවිල් වැසියන් 191,910ක් මේ වන විට රජයේ පාලන ප්රදේශ වෙත පැමිණ ඇතැයි සමරසිංහ කියන්නේය. මෙසේ පැමිණි අවතැන්වූවන්ගෙන් වැඩි පිරිසක් වව්නියාවේ පිහිටි අවතැන් කදවුරුවල රදවා ඇති අතර අනෙක් අවතැන්වූවන් යාපනය,මන්නාරම යන දිස්ත්රික්කවල පිහිටි අවතැන් කදවුරුවල රදවා සිටින්නේය.
‘‘තමන්ගේ ඥාතීන් හා හිතවතුන් සමග පදිංචිව සිටීම සදහා අවතැන්වූවන් 2291 ක් මේ වන විට නිදහස් කර තිබෙනවා. පවුල් එකමුතුකිරීමේ වැඩසටහන යටතේ අවතැන්වීම නිසා පවුල්වලින් මගහැරුණු සාමාජිකයින් 828 දෙනෙක් නැවත එක්කර තිබෙනවා.’’ සමරසිංහ කියන්නේය.
සහන සංවිධානවලට යුධ මුක්ත කලාපයට ඇතුළුවීමට අවස්ථාව දෙන්නනැයි ප්රංශ, බි්රතාන්ය විදේශ ඇමතිවරුන්ගෙන් ඉල්ලීමක්
Allow humanitarian access to combat zone – British/French FMs
එක්සත් ජාතීන්ගේ සංවිධානය සහ ජාත්යන්තර රතුකුරුස කමිටුවට වන්නියේ යුධ මුක්ත කලාපයට ඇතුළු වීමට අවස්ථාව ලබාදෙන්නැයි ප්රංශ හා බි්රතාන්ය විදේශ අමාත්යවරු ඉල්ලා සිටී.
වන්නියේ යුධ මුක්ත කලාපයේ සිරවී සිටින සිවිල් වැසියන්ට අවශ්ය මානුශීය සේවා සැපයීම සදහා සහන සංවිධානවටල එම ප්රදේශ වෙත යෑමට අවස්ථාව ලබාදිය යුතුයැයි විදේශ කටයුතු අමාත්ය රෝහිත බොගොල්ලාගම හමුවීමෙන් අනතුරුව මාධ්ය හමුවේ අදහස් දක්වමින් ප්රංශ විදේශ කටයුතු අමාත්ය බර්නාර්ඩ් ක්රවුචර් අපේ්රල් 28 වැනිදා පැවසුවේය.
එක්සත් ජාතීන්ගේ සංවිධානයේ මානුශීය කටයුතු පිළිබද නියෝජ්ය මහ කොමසාරිස් ජෝන් හොල්ම්ස්ගේ ලංකා සංචාරය අතරතුරදීද යුධ මුක්ත කලාපයට සහන සංවිධානවලට යෑමට අවස්ථාව ලබාදෙන්නැයි රජයෙන් ඉල්ලා තිබුනේය. මේ සදහා තමන් ප්රතිපත්තිමය වශයෙන් එකග නමුත් මේ අවස්ථාවේ පවතින යුධමය වාතාවරණය සැලකිල්ලට ගැනීමෙන් අනතුරුව සහන සංවිධානවටල යුධ මුක්ත කලාපයට යෑමට අවස්ථාව ලැබෙන්නේද නැද්ද යන්න තීරණය වන බව රජය පවසා තිබුනේය.
යුධ මුක්ත කලාපය පිළිබද අවධානය
වන්නි ප්රදේශයේ ක්රියාත්මක යුධ ගැටුම් හමුවේ සිවිල් වැසියන්ගේ තත්වය පිළිබදව අවධානය යොමුකිරීම සදහා බි්රතාන්ය විදේශ කටයුතු අමාත්ය ඩේවිඩ් මිලිබෑන්ඩ් හා ප්රංශ විදේශ කටයුතු අමාත්ය බර්නාර්ඩ් ක්රවුචර් ලංකාවට පැමිණ තිබුනේය.
ප්රධාන කාරණා තුනක් පිළිබදව සාකච්ඡා කිරීමට තමන් ලංකාවට පැමිණ ඇතැයි මිලිබෑන්ඩ් පැවසුවේය.
‘‘එක්සත් ජාතීන්ගේ සංවිධානය ඇතුළු සහන සංවිධානවලට ගැටුම් පවතින ප්රදේශවල සහන කටයුතු සිදුකිරීමට ඇති අවස්ථාව පිළිබද සොයාබැලීම, යුධ මුක්ත කලාපයේ සිරවී සිටින සිවිල් වැසියන්ගේ තත්වය හා අවතැන්වූවන්ගේ තත්වය පිළිබද එක්සත් ජාතීන්ගේ සහන සංවිධාන හා රජය සමග සාකච්ඡා කිරීම හා ලංකා රජය සමග ජාත්යන්තර ප්රජාව කටයුතු කරන්නේ කෙසේද යන්න පිළිබද සොයා බැලීමට අප පැමිණ තිබෙනවා.’’ මිලිබෑන්ඩ් කීවේය.
වන්නියේ සිරවී සිටින සිවිල් වැසියන් පිළිබදව තමන් දැඩි අවධානයෙන් සිටින බව මෙම විදේශ කටයුතු අමාත්යවරු පැවසූහ.
‘‘වන්නියේ සිරවී සිටින සිවිල් වැසියන්ගේ සංඛ්යාව කොපමණ වෙනවාදැයි අපි දන්නේ නැහැ. නමුත් අපි ඔවුන් පිළිබදව දැඩි අවධානයෙන් සිටිනවා.’’ ක්රවුචර් සදහන් කළේය.
මේ වන විට යුධ ගැටුම්වලට මැදිවී සිවිල් වැසියන් පනස් දහසක් පමණ සිටින බව එක්සත් ජාතීන්ගේ සංවිධානයේ තක්සේරුව වන අතර රජය පවසන්නේ මේ වන විට වන්නියේ සිරවී සිටින සංඛ්යාව විසිදහසත් තිස් දහසත් අතර වන බවය.
සිවිල් වැසියන් මුදාහරින්න
‘‘වන්නියේ සිටින සිවිල් වැසියන්ට (රජයේ පාලන ප්රදේශ වෙත) පැමිණීමට එල්.ටී.ටී.ඊ. සංවිධානය අවස්ථාව ලබාදිය යුතුයි.’’ මිලිබෑන්ඞ් සදහන් කරන්නේය.
යුධ ගැටුම් මැද සිටින සිවිල් වැසියන් මුදාගැනීම සදහා සටන් විරාමයක් ප්රකාශ කරන ලෙස ජාත්යන්තර ප්රජාව දිගින් දිගටම ඉල්ලා සිටින්නේය. ජාත්යන්තර සටන් විරාමයක් ඉල්ලා සිටින්නේ සිවිල් වැසියන්ගේ ආරක්ෂාව වෙනුවෙන් වන බවද මිලිබෑන්ඩ් සදහන් කළේය.
මේ වන විට වන්නියේ සිට පැමිණි අවතැන්වූවන්ට අවශ්ය සහන සැලසීම සදහා රජය ජාත්යන්තරයේ සහාය ඉල්ලා ඇති අතර ප්රංශය විසින් ලබාදී ඇති රෝහල මේ වන විට ක්රියාත්මක වන බවද බෝගොල්ලාගම සදහන් කරයි.
යුධ ගැටුම් අවසන්වීමෙන් පසුව සිදුකිරීමට නියමිත වැඩසටහන් කෙරෙහි රජය මේ වන විට අවධානය යොමුකර ඇති අතර යුද්ධය අවසන්විමෙන් පසුව සිවිල් වැසියන් වෙනුවෙන් කටයුතු කරන ආකාරය ප්රංශ හා බි්රතාන්ය විදේශ අමාත්යවරුන් සමග සාකච්ඡා කළේයැයි බෝගොල්ලාගම කීවේය.
‘‘බිම් බෝම්බ ඉවත් කිරීමෙන් පසුව අවතැන්වී සිටින සිවිල් වැසියන් නැවත පදිංචි කරනවා. එල්.ටී.ටී.ඊ. සංවිධානයේ සිටි සාමාජිකයින් හා ළමා සොල්දාදුවන් පුනරුත්ථාපනය කරන ආකාරය පිළිබදව අපි සාකච්ඡා කළා.’’ බෝගොල්ලාගම කීවේය.
British Foreign Minister David Miliband and French Foreign Minister Dr. Bernard Kouchner called upon the LTTE to release the remaining civilians from the combat zone and called upon for humanitarian access to the area.
උතුරට ගෙන යන දකුණේ සෙනෙහනස
Collection effort in Matara to gather relief for the Vanni IDPs
”ජීවිත අපේක්ෂාවෙන්, රුදුරු කොටි ත්රස්ත ග්රහණයෙන් ම්දී පැමිණි අපේම සහෝදර සහෝදරියනට සරණක් වෙමු.” මෙවන් ආරාධනා මේ වකවානුවේ විද්යුත් මාධ්යයෙන් මෙන්ම මුද්රිත මාධ්යයෙන්ද, නිතර දෙවේලේ අසන්නට දකින්නට ලැබෙයි. දෂක තුනකට ආසන්න කාලයක් අපේ රටේ යුද්ධය පැවතියත් පසුගිය කාල වකවානුවේ යුද්ධය ගැන දැඩි කථාබහක් ඇති විය.
අපේම රටේ උතුරු කොනේ ජීවත්වන මෙම ජනතාවගේ පැතුම් යම් කොටසකගේ ක්රියා කලාපය නිසා ඔවුනට අහිමි වී තිබේ ඒ අපේම සහෝදර දමිළ ජනතාව නිදහස පතා පැමිණි විටදී අප ඔවුන් පිළිගත යුත්තේ ඉතා ලෙන්ගතු මිතුරු හැඟිමකිනි. ත්රස්ත ග්රහණයෙන් මිදී එන විට සියළු දේපල දමා පණකෙන්ද හා ඇඳිවත පමණක් රැගෙන පැමිණි මිතුරන්ට උදව් උපකාර කිරීමට සහෝදර දකුණේ ජනතාව ආගන්තුක සත්කාරයෙන් යුතුව සැදී පැහැදී සිටිති.
මෙලෙස අවතැන් වූ ජනතාවට සහනාධාර සපයන ලෙස විදේශ කටයුතු අමාත්ය රෝහිත බෝගොල්ලාගම ජාත්යන්තරයෙන් ඉල්ලීමක් කළේය.
ඒ නිසාම දකුණේ සිට උතුරට ආධාර රැගෙන යාමට බොහෝ අය ඉදිරිපත් වේ. ඒ අතර සමාජයේ විවිධ කණ්ඩායම් මූලිකත්වය ගනී. මෙහිදී ප්රජා සත්කාර රාශියක් දියත් කරමින් මාතර මහ නගර සභාව මාතර දිස්ත්රික්කයේ රාජ්ය අංශයෙන්ම මෙම සත්කාර්යයට මූලාරම්භය තැබුවේය.
”උතුරේ අසරණ වෙලා මේ වෙලාවේදී ජිවිතය ඉල්ලන අපේම සහෝදර දමිළ මිතුරන්ට ඒ අයගේ හෙට දවස නිර්මාණය කරගන්නාතුරු අපි උදව් කළයුතුය.” මාතර මහ නගර සභාවේ නගරාධිපති උපුල් නිශාන්ත පැවසුවේය.
”මේක දකුණේ සහෝදරත්වය සෙනෙහස මිතුරුකමින් උතුරට ගෙනයාමක්” ඔහු පවසයි.
”මාතර මහ නගර සභාව මාතර දිස්ති්රක්කය පුරාම සහනාධාර එකතු කිරීමට නියෝජිත ස්ථාන පිහිටුවල තියනවා ඒ තැන්වලට මාතර ජනතවගේ පැමිණිම ඉතා හොඳින් සිදුවෙනවා.” ආධාර ලබා දිමට ඉදිරිපත් වූ එස්. ජයසේකර පැවසුවේය.
”අසරණ වුණාම හැමවිටකදීම ලංකාවේ ජනතාව අනිත් අයට උදවි කරනවා ඒක බොහොම හොඳ දෙයක් ඒක තමයි මිතුරුකම කියන්නේ අපි සුහද මිතුරු හවුලක් මගින් මේ ආධාර පරිත්යාග කරනවා.” ඔහු පවසන්නේය.
”උතුරට ගෙනයාම සඳහා රැස්කරන ද්රව්ය අතර පාවිච්චි නොකළ ඇඳුම්, ළඳරු කිරිපිටි, ළදරු උපකරණ, ඇඳ ඇතිරිලිග සනීපරක්ෂක තුවා, මුළුතැන්ගෙයි උපකරණ, බිස්කට් වගේ දේවල් අපි බලාපොරොත්තු වෙනවා. පානීය ජල බොතල් ලබා දෙනවා නම් ඒක ගොඩක් වැදගත් වෙනවා ඒ මිනිස්සුන්ට” පුරපති පවසයි.
නගර සභා භූමියට බෙහෝ පිරිස් ආධාර රැගෙන විත් භාරදෙයි මේ ආකාරයට දකුණේ මිතුරන් උතුරේ ජනතාවට සෙනෙහස ගෙනයන්නට ඉදිරිපත් වෙද්දී ඒ අතරට පුද්ගලික අංශයේ මැදිහත් වීමද, දකින්නට තිබේ. දකුණේ සමූපකාර සත්කාරක සේවා වැඩසටහන මාතර දිස්ත්රීක් ප්රාග්ධන සමූපකාර සමිතිය මගින් ක්රියාත්මක කරන ප්රජා සත්කාරක වැඩසටහනකි. ආයතනයේ සේවකයින්ගේ සාමූහිකත්වය ඇතිව රැුස්කරගන්නා ලද බනිස් විසිහත්දහසක් උතුරට යැවීමේ කටයුතු සංවිධානය කර ඇත.
”රටේ පවතින යුධමය තත්ත්වය නිසා උතුරට ගිහිල්ලා අපිට උදව් වෙන්න බැහැ ඒ වුණාට අපිට පුළුවන් දකුණේ ඉදන් අසරණ වුණු සහෝදර ජනතාවට සෙහෙහස දෙන්න ඔවුන්ගේ කුසගින්න නිවන්න අපි මේ සත්කාරය දියත් කරා” මාතර දිස්ත්රික් ප්රාග්ධන සමුපකාර සමිතියේ සභාපති එම්.කේ. මොහොට්ටි ප්රකාශ කළේය.
”මේ වැඩසටහන උතුරට භාණ්ඩ ගෙනයාමක් විතරක් නෙමෙයි මේක ජාතීන් අතර සුහදත්වය වර්ධනය කරන, දකුණේ සෙහෙහස උතුරට ගෙනයන සත්කාරයක්” මාතර නගරාධිපති පවසන්නේය.
එක් ලක්ෂ දෙදහස් හැත්තෑනවයක් රජයේ හමුදා පාලන ප්රදේශ වෙත
April 23, 2009 by Editor
Filed under Audio Stories, Featured, Stories
Over 100,000 flee in three days – Army
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
දින තුනක් ඇතුළත යුධ මුක්ත කලාපයේ සිට එක් ලක්ෂ දෙදහස් හත්සිය අනූ දෙනෙක් ( 102,790) රජයේ හමුදා පාලන ප්රදේශ වෙත පැමිණ ඇති බව හමුදා මාධ්ය ප්රකාශක බි්රගේඩියර් උයද නානායක්කාර පවසයි.
ප්රාණ ඇපකරුවන් මුදවා ගැනීමේ මානුෂීය මෙහෙයුම් අපේ්රල් විසි වනදා සිට ආරම්භ කළ අතර තවමත් සිවිල් වැසියන් යුද කලාපයේ සිටින බවට හමුදා විශ්වාස කරන බවට මාධ්ය ප්රකාශකවරයා පැවසීය.
ගි්රන් ඕෂන් නෞකාව මගින් තුන්සිය පනස්තුන් දෙනකු ( 353 ) රජයේ පාලන ප්රදේශ වෙත පැමිණි බවද නානායක්කාර පැවසීය.
තවම සිරවී සිටින සිවිල් වැසියන් ප්රමාණය නිශ්චිත ලෙස ප්රකාශ කළ නොහැකි බවද ජාත්යන්තර රතුකුරුස සංවිධානයේ සහය ඇතිව සිවිල් ජනතාව පැමිණෙන බවද මාධ්ය ප්රකාශක වරයා පැවසීය.
මේ වන ව්ට පැමිණ සිටින සිවිල් වැසියන් සියලු දෙනාම සුබසාධක කදවුරු වෙත යොමු කරන බවත් කළින් පැමිණි සිවිල් වැසියන් සුබසාධන ගමිමාන වෙත යොමු කර ඇති බවයි නානායක්කාර පවසන්නේ.
The Army said that over 100,000 have crossed the forntlines and recahed government areas since April 20
අවතැන්වූවන්ට ඇමරිකාවෙන් ආහාර ආධර
April 3, 2009 by Editor
Filed under Audio Stories, Featured, Stories
$ 15 m. food aid from US
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ලංකාවේ ක්රියාත්මක යුධ ගැටුම් නිසාවෙන් අවතැන්ව සිටින සිවිල් වැසියන්ට ලබාදීම සදහා ඇමරිකන් ඩොලර් මිලියන පහළොවක ආහාර තොගයක් ඇමරිකාව විසින් ලෝක ආහාර වැඩසටහන වෙත ප්රදානය කර තිබේ.
‘‘යුධ ගැටුම් පවතින ප්රදේශ වෙත ලෝක ආහාර වැඩසටහන යටතේ යවා ඇති ආහාර වලින් සියට හැටපහක් පමණ යවා ඇත්තේ ඇමරිකානු සහන ආයතනය විසින් ලබාදී ඇති ආහාරයි.’’ ඇමරිකානු සහන ආයතනයේ ප්රකාශිකා ලෝනා මිඩ්ල්බ්රෝ.
තිරිගු පිටි, පරිප්පු සහ එළවළු තෙල් ඇතුළු ආහාර සහිත මෙම ආහාර තොගය යුධ ගැටුම් වලට මැදිවී අවතැන්ව උතුරු නැගෙනහිර පළාතේ සිටින සිවිල් වැසියන් වෙනුවෙන් බෙදාහැරීමට නියමිත බවද මෙරට පිහිටි ඇමරිකානු තානාපති කාර්යාලය නිවේදනයක් නිකුත්කරමින් පැවසුවේය.
ලෝක ආහාර වැඩසටහන යටතේ ආහාර බෙදයි
ලංකාවේ යුධ ගැටුම් නිසා අවතැන්වූවන්ට අත්යවශ්ය ආහාර බෙදාදීම සදහා ලෝක ආහාර වැඩසටහන විසින් ගෙනයන වැඩසටහනට පූර්ණ සහාය ලබාදෙන බවද ඇමරිකානු සහනාධාර සංවිධානය සදහන් කළේය.
’‘ලංකාවේ යුධ ගැටුම් නිසා අවතැන්වූවන්ට අත්යවශ්ය ආහාර බෙදාදීම සදහා ලෝක ආහාර වැඩසටහන ගෙනයන වැඩසටහනට අපි සහාය දෙනවා. අපි විසින් ප්රධානය කරන ආහාර උතුරු නැගෙනහිර පළාත් වල සිටින අවතැන්වූවන් වෙනුවන් බෙදාහැරීමට ලෝක ආහාර වැඩසටහන කටයුතු කරනවා.’’ ඇමරිකානු සහනාධාර සංවිධානයේ මෙහෙයුම් අධ්යක්ෂ රෙබෙකා කෝන් පැවසුවේය.
උැමරිකානු සහනාධාර සංවිධානය විසින් ලබාදී ඇති ආහාර වලින් වැඩි ප්රමාණයක් යුධ ගැටුම්වලට මැදිවී (මුලතිව් පුදුමත්තලාන්) යුධ මුක්ත කලාපයේ සිටින සිවිල් වැසියන් වෙනුවෙන් බෙදාහැරීමට පියවර යොදා ඇතැයි ද ඇමරිකානු සහන සංවිධානය කියන්නේය.
”ඇමරිකානු සහන සංවිධානය විසින් ලෝක ආහාර වැඩසටහන යටතේ අවතැන්වූවන්ට ආහාර බෙදාහැරීමට කටයුතු කිරීම ඉතා වැදගත්.’’ ලෝක ආහාර වැඩසටහනේ ශ්රී ලංකා නියෝජිත අද්නාන් කාන් පැවසුවේය.
අවතැන්වූවන්ට නොකඩවා ආධාර
ඇමරිකානු සහන සංවිධානය විසින් ඩොලර් මිලිනය පහළොවක සහනාධාර තොගයක් ලබාදීම නිසා අවතැන්වූවන්ට නොකඩවා ආහාර ලබාදීමට හැකිවී තිබෙන බවද ලෝක ආහාර වැඩසටහන කියන්නේය.
‘‘ඇමරිකානු සහනාධාර ආයතනය විසින් අපිට ලබාදුන් ආධාර වලින් ආහාර මෙටි්රක් ටොන් 19ක් අවතැන්වූවන් වෙනුවෙන් යැවීමට සූදානම් කර තිබෙනවා. මේ ආධාර ලැබීම නිසා නොකඩවා අවතැන්වූවන්ට ආධාර ලබාදීමට හැකිවී තිබෙනවා.’’ කාන් කීවේය.
මේ වන විට වන්නි යුධ මුක්ත කලාපයේ අවතැන්වූවන් ලක්ෂයක් පමණ සිටින බවත් ඔවුන්ට මානුෂීය ආධාර සැපයිය යුතු බවත් ලෝක ආහාර වැඩසටහන සදහන් කරන්නේය.
මුලතිව් පුදුමත්තලාන් යුධ මුක්ත කලාපයේ සිටින අවතැන්වූවන් වෙනුවෙන් ආහාර රැුගත් තවත් නැවක් ජාත්යන්තර රතුකුරුස කමිටුවේ ධජය සහිත නැවකින් වන්නි ප්රදේශයට පිටත්කර යැවීමට පියවර යොදා ඇතැයිද ලෝක ආහාර වැඩසටහන කියන්නේය.
‘‘සහල්, තිරිගු පිටි, සීනි, පරිප්පු, එළවළු තෙල් ඇතුළු මෙටි්රක් ටොන් සහසක ආහාර තොගයක් වන්නි ප්රදේශටය පිටත්කර යැවීමට සූදානම් වෙනවා. මේ ආහාර තොගය වන්නියේ සිටින ලක්ෂයක් පමණ වූ අවතැන්වූවන්ට දින විස්සකට ප්රමාණවත් වෙනවා.’’ ලෝක ආහාර වැඩසටහන කියන්නේය.
යුධ ගැටුම් වලිින් අවතැන්වූවන් වෙනුවෙන් දිගින් දිගටම සහන සේවා සැපයීමටද ඇමරිකානු සහන ආයතනය බලාපොරොත්තු වෙයි.
‘‘සැබෑ වෙනසක් ඇතිවීමට කාලයක් ගතවනු ඇති. ඒ වන තෙක් අපි සහන කටයුතු සිදුකරනවා.’’ මිඩ්ල්බ්රෝ පැවසුවාය.
රෝගීන් 6,600ට වඩා පුත්තුමන්තලාන් සිට ති්රකුණාමලයට
Over 6,600 evacuated from combat zone
ජාත්යන්තර රතුකුරුස සංවිධානය පෙබවාරි 10 දා සිට යුධ කලාපයේ සිටින සිවිල් ජනතාව වෛද්ය ප්රතිකාර සදහා මුහුදු මාර්ග ඔස්සේ වන්නියේ යුධමුක්ත කලාපයේ පුත්තුමන්තලාන් සිට ති්රකුණාමලය වෙත රැගෙනවිත් ඇත.
ජාත්යන්තර රතුකුරුස සංවිධානයේ ශල්යවෛද්ය මාර්ටින් හර්මන් පවසන්නේ සෞඛ්ය පහසුකම් සොයා ඔවුන් පැමිණෙන බවයි. මේ වන විට 6 600ට වඩා රෝගීන් හා තුවාල ලත් සිවිල් වැසියන් ප්රමාණයක් පැමිණ ඇති බවද හර්මන් පැවසීය.
රජයේ සෞඛ්ය නිළධාරීන් සහ ජාත්යන්තර රතුකුරුස සංවිධානයේ සෞඛ්ය නිළධාරීන් සියලු දෙනා ඊයේ දිනය වන විට 1900 පමණ රෝගීන් සදහා ප්රතිකාර ලබා දී ඇත.
හර්මන් පවසන්නේ මොවුන්ගේ තත්වය බරපතල බවයි. රජයේ වෛද්ය නිළධාරීන් විශාල අවධානමක් අරගන වගකීමෙන් එහි වැඩ කරන බවත් විජලන තත්වෙන් පෙළෙන අය විශාල වශයෙන් පැමිණෙන බවත් හර්මන් පවසයි. නින්ද සහ කෑම බීම ලැබුනායින් පසු ඔවුන්ගේ මුහුණෙහි සිනාවක් දැකිය හැකි බවයි ඔහු පවසන්නේ.
විශාල වශයෙන් රෝගීන්ගේ අවයව කපා ඉවත් කිරීමට මෙහිදී සිදුව තිබෙනවා. ඒ වෙඩි වැදුන සහ බෝම්බ වලට හසු වූ අයගේ ශරීරයේ ඉතිරිව ඇති කැබලි ඉවත් කිරීම සදහායි.
තුවාලය සිදු වූ වෙලාවව්ම බෙහෙත් කර නැති නිසා විශබීජ එකතු වී තුවාල පැතිර ගොස් තිබෙනවා. ඔවුන් ඔවුන්ගේ ඇදුම් වලින් එම තුවාල ගැටගසා පැමිණෙන නිසා ඔවුන්ගේ එම ස්ථාන කපා ඉවත් කිරීමටත් සිදු වන බවයි හර්මන් පවසන්නේ .මෙසේ පැමිණෙන රෝගි ජනතාවගේ අවශ්යතාව මත ප්රතිකාර කිරීමට සිදු කිරීමට සිදුව ඇත.
පුල්මුඩේ හා ත්රිකුණාමලය වෙත පැමිණෙන ජනතාවගේ සෞඛ්ය පහසුකම් ජාත්යන්තර රතු කුරුස සංවිධානය වෙත පැවරේ.එහෙත් මේ සියල්ල සිදු කිරීම සදහා කාලය මද බවයි හර්මන් පවසන්නේ.
ති්රකුණාමලය රෝහලේ සේවය කරන කාර්ය මණ්ඩලය සමග දැඩි සබධතාවක් තිබෙන බවත් මේ සදහා විශේෂඥ වෛද්යවරුන්ගේ සහය අවශ්ය කාලය උදා වී ඇති බවත් ඔහු පවසන්නේය.
